Nou se Youn
ak kadanse enèji vital
Pye Bwa lavi a


                                

 Kadanse enèji vital nou atravè san sakre Pye Bwa lavi a

Nou Se Youn ak kadanse enèji vital Pye Bwa Lavi a. Jan nou parèt se jan nou pran rasin andedan tankou deyòNou Se Youn ak kadanse enèji vital nou atravè san sakre Pye Bwa Lavi a, eritaj vivan inevitab pou limanite.
Jan nou parèt se jan nou pran rasin andedan tankou deyò

Menm jan ak enèji rasin Pye Bwa Lavi a, jan nou parèt deyò, se jan nou pran rasin andedan. Pi piti ninik enèji lavi toujou file sou tout kouti tout tan epi se konsa rasin sivilizasyon Kemetik nan memwa zansèt nou yo file nan souf lavi nou pou konsyans eritaj vivan inevitab limanite travèse tout tan ak espas, tout tan gen tan.

Nou ka toujou la, youn pou lòt, ak enèji pozitif kè ak nanm, kò, tèt ak lespri nou an amoni.

PyeBwaLavi | Nou se youn ak kadanse enèji Pye Bwa Lavi ki pran rasin nan Meritah - Afrique


Kè mwen onore kè ou.
Mwen onore nan ou kote tout linivè pran plas li. 

Mwen onore prezans ou, entegrite, detèminasyon grandi w, limyè, lanmou, laverite, imilite, respè ak serenite andan w, paske yo andan m tou.

Nan pataje tout sa, nou se youn ak kadanse lavi a.

Nou ini ak enèji lavi nou.

kon lambi neg mawon emoji 🌿 Navigasyon ♥
  1. Kadanse enèji vital Pye Bwa lavi a
  2. Kadanse enèji vital ou, kadanse esans sakre w
  3. Nou se Youn pou nou bay youn lòt limyè
  4. Pou yon egregò k ap deplwaye pi byen viv
"Mande chemen pa vle di pèdi pou sa"
~ Pwovèb Kreyòl
Pawòl la pale sou ritm 153+ eskpresyon sajès epi pwovèb pou ou

Menm jan ak enèji rasin Pye Bwa Lavi a, mwen se oumenn epi tout moun epi tout bagay.

Mwen se oumenm epi tout moun ki vin konekte avèk nou, yon jan ou yon lòt, pre tankou lwen.

Eske w kwè nan abondans avèk lanmou epi entegrite, amoni konsyans mouvman nou, konpreyansyon pwofondè pwòp tèt nou, atravè ekilib nan mouvman nou, respè nan rapò nou youn ak lòt epi kilti byennèt kè ak nanm, kò, tèt k lespri nou?

Se konsa mwen wè aklè, mwen menm avè w, chak jou ak plis fòs.

Nou viv, n ap kadanse epi n ap pran rasin jan lide nou pran fòm. Se yon lwa fondamantal lanati. Nou fè pati lanati.

Chak ti mòso pawòl nou pataje, se yon eleman kle nan fondas pye bwa lavi nou k ap boujonnen oubyen yon pousyè zetwal k ap klere chemen an pi plis toujou.

Nou kapab kreye lakou byennèt ak richès pou tout jenerasyon.  Nou kapab kadanse an amoni ak enèji vital nan tout pwofonde esans sakre nou pou nou jwenn fòs gerizon tout bon.


Kadanse enèji vital ou, kadanse esans sakre w

Nou se Youn ak Kadanse lavi a ki konekte ak Pye Bwa Lavi nou ki pran rasin nan Meritah. | Nou leve kanpe ak fòs rasin eritaj vivan inevitab nou nan nannan sivilizasyon kemetik ki toujou prezève nan tè manman limanite.Nou se Youn ak Kadanse lavi a ki konekte ak Pye Bwa Lavi nou ki pran rasin nan Meritah. | Nou leve kanpe ak fòs rasin eritaj vivan inevitab nou nan nannan sivilizasyon kemetik ki toujou prezève nan tè manman limanite.

Tout sa ou bezwen tou pre anndan w pou w toujou kenbe ekilib boulòn ti katkat ou.

Tou pre pou w rekonèt pwisans kadanse esans sakre w.

Tou pre pou swen tèt ou ki fè w dibyen pou w rive jwenn bon jan gerizon.

Tou pre pou w entegre vitalite prezans total ou ak konsyans ou se gadyen esans sakre kadanse nou.

Nou nan senplisite natirèl tout sa ki otantik ak zòrèy epi lespri nou toujou atantif.

Nou nan senplisite natirèl alekout ak kè nou leje nan laverite.

Nou leve kanpe ak fòs rasin eritaj vivan inevitab nou nan nannan sivilizasyon kemetik ki toujou prezève nan tè manman limanite.

Viv prezans total ou, appresye epi entegre

Nou se youn lè nou prezan, nou aprann apresye epi entegre pwisans enèji lavi nou ki konekte ak linivè. Se baz vibrasyon byenèt emosyonèl, fizik epi espirityèl nou.

Se baz pou nou tabli valè sosyal epi ekonomik djanm pou tout jenerayon.

Nou se Youn pou nou bay youn lòt limyè

Lè w konprann li byen, esans sakre kadanse w ak respè, je klè epi entegrite konkèt tèt ou, kenbe pouvwa revolisyon toutotan sosyal, politik epi ekonomik ke kiltirèl epi espirityèl.

Konsyans nou se gadyen esans sakre kadanse nou mennen limyè k ap klere lwen. P

ye bwa lavi nou ap pouse epi boujonnen ak vibrasyon esans sakre nou tandike rasin nou ap vin pi solid. 

Nou se youn pou nou rekonèt byenfè kadanse prezans total nou tout kote, epi anplis, nan chemen ki pa deja trase aklè pou je nou.

Nou se youn pou nou viv chalè chak moman anliyen ak kadanse pwisans esans sakre nou nan lajwa fondamantal prezans total nou ak ekilib epi entegrite alawonnbadè.

Annou tabli lakou byennèt ak richès entegrite, yon moun alafwa, toujou konsekan nan tout nivo... jwèt timoun chaje ak lanmou!

Ou bezwen kadanse ritm souf vital ou ak respè, je klè, ekilib epi entegrite absoliman pou reyònman amoni nan chemen lavi w.

Pou yon egregò k ap deplwaye pi byen viv ak entegrite

Kijan nou vanse eritaj revolisyon kiltirèl sila ak  respè, je klè epi ekilib pou yon egregò k ap deplwaye pi byen viv ak entegrite?

  1. Itilize fòs byenfè kadanse esans sakre w pou tabli baz ak kè fondasyon byennèt kè, kò, tèt, lespri ak nanm an amoni, tout tan gen tan.

  2. Pran konsyans ke sa ki toujou nan lespri w, se sa w ye epi se konsa w ap evolye.

  3. Manbre kè w pou w pran opòtinite ak entegrite epi bati lidèchip ak bon jan ekzanp.

Kadanse esans ou ak fòs gadyen esans sakre kadanse nou, pwisans vital enèji sakre w epi kle metrès prezans total ou.

Ou se yon eleman ki pou fè boujonnen revolisyon kiltirèl ki pran souf nan eritaj inevitab nou, kòm gadyen esans sakre kadanse nou.

Depi plis pase 20 lane nan kouti ak meditasyon pou rive nan inisyasyon fondamantal pou nou louvri sou revolisyon kiltirèl ki pran souf nan eritaj vivan inevitab nou kòm gadyen esans sakre kadanse nou, se baz solidarite entènasyonal ak valè ki ankre nan respè tèt nou, lanati epi linivè, ki pou donnen.

Tankou siwo rale myèl, kadanse sakre lakilti dwe rale nou tout

Kadanse sila a, se lanmidon lakòl pou kenbe nou ansanm djanm, solidè, nan tout sa n ap fè.

Kadanse sila a, layite nan tout kè nou, anndan nannan nou, nan fon zantray nou.

Kadanse sila a, se fòs pou nou sanble kouray nan menm dyakout, kole zepòl pou tabli, vanse, pwogrese, fè reyònnen, manifeste tout fòs nou an gadyen esans sakre kadanse nou, tout bèlte, tout enèji, ki lakay, nan zantray nou.

Kadanse sila a, se pou nou pataje, pou nou soutni youn lòt

Kadanse sila a, pa dwe ret antere, gaspiye...

Nou se souf lavi lè nou kadanse esans sakre nou kè nou leje...

Khefista
| Grann Nan Listwa
revolisyon Kadanse nou

Nou se Youn menm jan ak kadanse enèji rasin pye bwa lavi! 

Kontni sit la - tout chemen yo


New! Comments

Have your say about what you just read! Leave me a comment in the box below.
Show / Hide
Boutique Mouvement de mieux-vivre Logo mini


Kontinye nan boutik
Mouvement de mieux-vivre la 
Anliyen toujou pi byen ak lesansyèl, pou lespri w ak kò w djanm ak fòs serenite mantal ou,
epi sèvi ak zouti pratik nan fè chemen an.

♥ Chemen limyè sa, sou eritaj vivan inevitab pou nou pi byen viv kadanse nou epi evolye ak entegrite ritm esans sakre nou, se pou ou! ♥

Pataje vèvèy defi prezans total ou pou konkèt tèt ou. Depoze kadanse w!
Mwen menm, m ekri jan m kadanse! 

Depoze w. Pale ak rit pawòl kè ak kò w, jan w pito...

Rakonte eksperyans, fòs, angajman, lanmou ak lajwa w.

Pataje vèvèy, viktwa, defi prezans total ou pou konkèt tèt ou, depoze kadanse w...

♥ Chemen limyè sa, sou eritaj vivan inevitab pou nou pi byen viv kadanse nou epi evolye ak entegrite ritm esans sakre nou, se pou ou! ♥

Wè sa nou deja pataje...

ONÈ! Mwen se Khefista Shemzoumot (Grann Nan Listwa revolisyon Kadanse nou) !

Nou nan pataj sou byennèt inivèsèl ak verite entegrite diyite nou. 

Nou jwenn sa nan pwisans konsyans nou se gadyen esans sakre kadanse nou, konsyans fondamantal pou nou pi byen pran swen tèt nou.

Konsyans kijan pou nou pi byen pran swen tèt nou louvri sou nesesite revolisyon kiltirèl sou ritm respè, je klè epi entegrite ekilib nou ki toujou ap fèt pou nou pi byen viv chak moman devni nou. 

Nou se youn ak kadanse latè, linivè epi lenfini ki aji sou devni nou.

Nou tout kadanse lavi, tout bagay epi tout moun. Kadanse w se mouvman. Mouvman se lavi.

Nesesite mouvman revolisyon kiltirèl pran souf nan eritaj vivan inevitab nou, sou ritm esans sakre nou, se sous pi byen viv depase tan ak espas. 

Fokis Enèji lavi mwen pou nou: Kadanse sou ritm respè, je klè epi entegrite ekilib nou nan chak moman devni nou, rit pasaj nan memwa kemetik zansèt nou yo. 

Onè Nana nou yo! Onè Baba nou yo! Onè Zansèt nou yo! Onè Legba ! 

Pou nou louvri pòt pou ede nou mete tout baryè atè, pou ede nou nouri kannal bon jan kominikasyon pozitif.

Pou nou ede nou bay kominote nou otonomi pou nou toujou grandi ak devosyon fè epi refè ekilib lavi a.

Pou nou ede nou soutni epi enspire kominote moun ki toujou kanpe djanm pou nou kadanse sou ritm respè, je klè epi entegrite ekilib nou ki toujou ap fèt nan chak moman devni nou.

Pou nou ede nou toujou edike tèt nou pou nou kadanse ak fòs esans sakre nou.

Pou nou ede nou soutni kominote nou nan respekte esans sakre nou ak fòs pwisans swen tèt nou nou deplwaye pou konkèt tèt nou.

Pou nou ede nou pou nou toujou konpayon ki merite konfyans epi toujou kenbe angajman nou djanm ak verite esans sakre nou.

Pou nou ede nou konprann tèt nou toujou pi byen pou nou pa janm viv ak laperèz.

Pou nou ede nou vwayaje ak kè leje kote pou nou aprann kadanse toujou pi byen sou ritm respè, je klè, epi entegrite ekilib nou nan chak moman devni nou.

Pou nou ede nou louvri chemen pou pitit fi ak pitit gason nou toujou viv amoni kè ak nanm, kò, tèt ak lespri yo.

Konsa n ap jwi richès lavi a ak entegrite diyite nou epi kite eritaj kilti abondans sou ritm respè, je klè, ekilib epi entegrite nan chak moman devni nou, ak pwisans gadyen esans sakre kadanse nou, pou tout jenerasyon, alawonnbadè.

Pataje kadanse w tankou m oswa nan sens pa w!

Mwen kadanse ritm eritaj kiltirèl zansèt mwen yo nan filozofi Vodou ki montre m chemen lonbrit rasin.

Nou se apranti. Nou se gerisè. Nou fè youn ak latè, linivè epi lenfini. Nou fè kò ak konsyans nou se gadyen esans sakre kadanse nou nan lanmou, respè ak entegrite swen tèt nou pou konkèt tèt nou. Konsyans sa a fondamantal pou retabli ekilib ak entegrite pou tèt nou epi esans sakre limanite ki konpwomèt.

Video de + pure & simple solution : Rythme Congo : joie du coeur | Rit Kongo: lajwa nan kè | Congo rhythm: joy in essence #danse #dance @Grann_nanlistwa | revolisyon kadansenou.com

LEVE KANPE! Se ansanm n ap ekri listwa nou, listwa k ap swiv valè prensip tradisyon zansèt nou yo, ki kanpe sou prensip sakre entegrite limanite ak reyalite lanati epi linivè, jounen jodi a pou tout tan gen tan.

Video Evazyon : Jo-J - Leve kanpe feat D-FI Powèt Revòlte (Videyo Ofisyèl) | Cynthia Erivo Cover @evazyon2017

Pataje vèvèy defi prezans total ou pou konkèt tèt ou. Depoze kadanse w!
♥ Chemen limyè sa, sou eritaj vivan inevitab pou nou pi byen viv kadanse nou epi evolye ak entegrite ritm esans sakre nou, se pou ou! ♥

''Pou konprann kilti yon pèp, etidye jan l kadanse.
Pou konprann kadanse l, etidye pèp la.''

 ~ Chuck Davis

Lespri nou, sou ritm kadanse revolisyon kiltirèl ki pran souf nan eritaj vivan inevitab nou, ap anliyen byen dwat ak reyalite lanati epi linivè. | Kat byen anliyen ak Sid anlè/ www.ODTmap.comLespri nou, sou ritm kadanse revolisyon kiltirèl ki pran souf nan eritaj vivan inevitab nou, ap anliyen byen dwat ak reyalite lanati epi linivè. | Kat byen anliyen ak Sid anlè/ www.ODTmap.com