Apresye boutik resous pou nou pwofonde ritm siblim kadanse prezans total nou

Espas sila a se kote tradisyon kiltirèl kontre ak modènite

Kadanse Haitidansco se yon ekzanp vizyèl kote tradisyon kontre ak modènite

Si w rive isit la atoutaza nan fè rechèch, ou gen pou jwenn bèl trezò.

Nou pwofonde valè ak fòs koneksyon kadanse nou.

Valè tradisyon kiltirèl nan modènite epi benefis modènite jwenn nan tradisyon kiltirèl gen plis enpòtans pase tout konvansyon. 

Tamariki Poerani - Mono'i Tupuna / revolisyon kiltirèl kadanse prezans total nou kòmanse ak konpreyansyon pwòp tèt nou ak siyifikasyon chak abitid nan kilti nou.

Pran plas dofis pou w apreseye richès boutik resous pou nou pwonfonde rit siblim revolisyon kiltirèl ki pran souf nan eritaj vivan inevitab nou

• Ou sansib pou aprann sou diferans ak resanblans?
  
  
• Ou vle obsève epi eksplore san limit?
  
  
• Ou gen ouvèti pou fè vibrasyon w monte ak dekouvèt epi vizyon lemonn ki fouye verite tout bon?
  

Espas sila a ap ba w nannan pou yon vwayaj ekstraòdinè.

Atizay

• 12 Prensip Bwa Kayiman
  Ankèt antropoloji kiltirèl, zèv Pierre-Michel Chéry
  

• Kalandriye Sideral Kemetik*
  Rising Firefly Productions | KEBTAH COMMISSIONED BY GULMU
  
  * disponib an anglè
  
  

Video

• Lafimen: Listwa Pèp Ayisyen depi nan ginen (kòfrè 4 cd dijital)
  ak Jafrikayiti 
  

Kijan nou fè revolisyon vre? 

Se pa ayè nou la. Poutan Fil lyanaj nou ak fòs kadanse nou pa janm koupe, tankou tras sa yo ki grave nan wòch depi milyon ane | Trättelanda, Bohuslän nan lwès peyi Laswèd

Ou konnen revolisyon pa fèt sèlman ak kò fizik.

Nou fè revolisyon vre ak fil veritab lyannaj nou. 

Boutik sa se, pou ede nou louvri baryè, pou nou kadanse esans sakre nou tout kote nou ye, tout tan gen tan.

Nou bezwen fè youn ak kadanse fòs konsyans nou aklè pou:

• anrasinman pi byen epi ankraj nan fondas esans nou
  
  
• lekout tèt nou ak kò nou, debarase de tout tansyon, estrès ou blokaj 
  
  
• kouran enèji ki koule pi byen pou ogmante kapital sante nou epi fonksyon entèn nou. 
   
• lajwa fondamantal nan kè nou epi je klè ak lespri nou
  
  
• entegrite ekilib nou ki toujou ap fèt nan chak moman devni nou
  

Sosyete Nago Fet Papa Ogou & Metres Dantor. Ki itilite?
Ou konnen revolisyon pa fèt sèlman ak kò fizik. Boutik resous pou nou pwofonde siblim prezans total nou sila, atravè revolisyon kiltirèl ki pran souf nan eritaj vivan inevitab nou, se chemen n ap fè pou nou kadanse esans sakre nou tout kote nou ye, tout tan gen tan.

Enèji lavi nou tankou enèji linivè

PÉPIT'ARTS | Manèv kadanse ak tanbou nan peyi Benin.
Se konsa pou nou kapab li manèv nan lemonm aklè si nou gen ouvèti pou nou fè vibrasyon nou monte ak dekouvèt epi vizyon lemonn ki fouye chèche verite tout bon vre

Nou louvri lakonesans sou valè enèji ak fenomèn ki fè lawonn linivè. Konprann sik linivè a esansyèl pou konprann ekspresyon enèji jan li gen rapò ak kalite lavi nou.

Chemen lalin, solèye ak zetwal Syrius sitou montre nou kijan lavi a se yon kontinyte nan lawonn etènite. Lawonn ankontiyite aklè nan tout mouvman natirèl mete kaba tout istwa ki di mouvman lavi a se yon liy dwat.

Solstis sezon ivè ak ete montre nou yon moman kle nan sik jou ak lannwit ki se manifestasyon sik lanati nou ka wè aklè chak jou. Sa ede nou konprann lawonn tout bagay ki egziste nan linivè.

Aliyman ak sik lanati pèmèt nou viv ak amoni tout vitalite nou.

Kilti nan tout limanite onore sik k ap kontinye nan lanati epi selebre nan ak rekonesans tout fòs enèji fètilite latè k ap bay san mande rete.

Nou kadanse pou nou rekonèt lespri abondans Manman Latè epi pou nou toujou sonje pou nou byen pran swen li.

Fètilite latè se pi gran manifestasyon flanm dife enèji vital nou ki pa janm tenyen epi k ap ban nou fòs lavi toutotan nou pèmèt li. Lè nou viv an amoni ak latè nou anliyen amoni ak tout kosmos la.

Kalandriye Sideral Kemetic la se yon travay syantifik ki gen anpil valè ki demontre tout zafè sa yo epi ki bay enfòmasyon ki nesesè nan amonizasyon enèji vital nou an ak enèji tout sik linivè.