Kadanse tradisyon tan sou tan...

Onè: Kadanse Revolisyon Lanmou ak Respè > Kadanse tradisyon ekri pa  Turenne Joseph (Tilarenn)

Richès kadanse tradisyon simaye sou tout planèt la. Se temwanyaj valè chak pèp depi sou rit seremoni pou rive nan rit popilè, fòlklò ak pwofesyon danse.

Tradisyon kadanse nou se yon fason ekstraòdinè pou nou vwayaje nan lemonn antye. Konsa, nou dekouvri trezò rit chak kilti, amoni chak pèp...

Soti Lès ale nan Lwès, rive nan Sid epi nan Nò sou latè a, kadanse nou deploye isit la pou nou pran bèl plezi ak tradisyon kadanse tout kilti nan lemonn antye.

Nou eksplore valè kadanse nou nan tan lontan ak jodi a epi defi yo nan modènite, atravè rasin kadanse tradisyon zansèt yo.

Anmenm tan n ap eksplore epi apresye mouvman yo ak sans yo, nou rekonèt valè yo ak benefis yo. Pi gwo benefis nou jwenn se pwofonde lajwa nan yon byenèt enfini, kè, kò, tèt, lespri ak nanm nou.

Kadanse tradisyon pèp Aborijèn, Karayib, Amerik disid, ak pèp Afriken, Aziatik, Endyen epi pèp Ewòp, Mediterane, Mwayen-Oryan...

Nenpòt ki kote w gen santiman pou w ale, pran tou le 9 sans ou avè w.

Pare pou w plonje nan esans kilti tout rit ki kadanse sou planèt la.

Pare pou w apresye langaj divinite kò nou, lanmou pwofonde verite tout bon, manifestasyon esans fondas nou, senp, natirèl.

Ou gen pou jwi lajwa depase tan.

Eske w wè kijan mo kadanse a inivèsèl epi gen mizik?

Kadanse nou natirèlman pote enèji konsyans mouvman nou.

Kadanse nou bay yon ekperyans sajès lavi sou tout sitiyasyon, tout konpleksite.

Li te mèt yon sitiyasyon grav, leje, òdinè, kadanse nou mete tout bagay anivo. Nou konprann sa byen ak pawòl tankou kadans manje, kadans lanmou, kadans biznis...

Annou antre nan wonn tout kadanse tradisyon nan lemonn avèk yon ti lèz sou kèk rejyon, sou sa ki fè chak kadans inik. N ap antre nan inivè maji sajès ak lespri kò nou anmouvman.

Kadanse kilti afriken

Konbinezon mo sa yo, kadanse kilti afriken, si lespri nou louvri pou nou byen konprann yo, gen yon vizyon lemonn nan epòk lontan lontan ki mare lyen solid ak zansèt yo epi tounen vini nan epòk mondyalizasyon jodi a.

Gen temwanyaj agogo sou tout kontinan afriken an epi tout lòt kote sou fòs enèji espesyal kadanse tradisyon afriken. Nou fè yon tantativ definisyon vèvèy kadanse kilti Afrik.

Kadanse kilti arab

Si m gen dwa yon sèl mo pou m di nou sa m konnen sou kadanse kilti arab, se selebrasyon. Yon selebrasyon konsyans espirityèl nan danse Soufi. Yon selebrasyon enèji fanm nan Raqs el Sharqi.

Kadanse kilti aziatik

Kadanse tradisyon aziatik mennen nou nan yon demach rechèch ak prosesis filozofik. Se aksyon ki mache ak anpil disiplin pou rive chèfmèt chèfmetrès nèt.

Rezilta yo souvan ze gran zèv ki vin gen gwo rekonesans mondyal.

Kadanse kilti karayib

Kadanse kilti karayib se zouti pou idantite, enèji vital ak lit. Anpil nan yo sèvi pou batay tout bon, tankou Damyé. 

Ekzanp kadanse tradisyon kilti Ayiti, se yon plaj dekouvèt rit ki soti nan rasin vodou epi aborijèn. Yo kenbe anpil fòs enèji espirityèl yo. Enflyans lemonn modèn vin bay fòlklò ki pran enspirasyon nan mouvman rasin vodou a.

Esans kadanse tout jan nan tout bagay, nan jan moun mache ak jan yo mete koulè tout kote nan kotidyen yo. Konsa tou, gen anpil varyete tradisyon kadanse.

Kadanse kilti endyen

Sa mwen jwen nan kadanse kilti endyen ki ba li plis fòs epi ki demake l, kò nou tounen yon repezwa pou tout vizaj Bondye.

Menm si teknik la senp, menm si istwa a banal, mouvman yo toujou menmen nan yon lòt dimansyon.

Kò nou tounen yon tanp sakre tankou nan Odissi.

kadanse kilti endijèn

Kadanse kilti endijèn se rityèl, priyè ak senbòl ki bay pasaj pou kominikasyon avèk manman latè epi tout eleman ki fòme linivè.

Kilti endijèn rive pa pran nan joug lemonn modèn nan plizyè rejyon. Nou jwenn bon jan prezans kilti endijèn nan laplipa tradisyon kadanse nou.

Kilti endijèn gen bon jan rekonans nan tradisyon ansestral tankou Hula Hawai epi kadanse Natif endyen Ameriken.

Kadanse kilti ewopeen

Malgre Ewòp se yon teritwa ki gran anpil, gen yon menm pratik nan tout rejyon yo. Kadanse tradisyon kilti ewopeen ale avèk etap lavi, chanjman sezon, leplisouvan avèk manifestasyon ki eksplike maji ki nan vitalite lemonn.

Kadanse tradisyon toujou prezan nan festival epi nan koutim etap lavi a.

Tradisyon tankou kadanse pèp Almay travèsè fò nan peyi vwazen tankou Otrich, Ongri epi Danib.

Tradisyon kadanse pèp la se baz enfliyans valz vyenwaz, teyat vèvèy kadanse epi kadanse modèn nou.

Tout moun rekonèt ke anpil atis ki aktive chanjman mondyal enpòtan ki fèt nan pwofesyon danse, soti nan kilti Almay.

Kadanse kilti laten

Kadanse kilti laten espesyal paske se eksperyans ki travèse plizyè kilti.

Se yon jounen ki tèlman rich, li pèmèt nou vwayaje atravè tout orijin yo avèk tout chemen yo te pran epi y ap kontinye pran.

Rasin kadanse kilti laten vreman endijèn.

Nan Mexico, endijèn Aztek kadanse pèp la eksprime sik lavi epi kadanse klas elit te asosye ak relijyon. Kadanse klas elit yo ki kore ak diyitè relijyon yo epi dirijan pèp la vin elimine nèt. Kadanse pèp la kenbe fòs, vin depase sik lavi pou yo eksprime reyalite sosyal avèk enfliyans Ewòp epi eritaj ak Lafrik ak eritaj endijèn.

Kadanse pèp la vin pran plas nan kilti mondyal sou bannyè pwofesyon danse ak gwoup tankou Ballet Folklórico de México ki se yon gwo anblèm.

Kadanse kilti slav

Kadanse kilti slav sitou bay enpòtans lyen avèk kominote a.

Kadanse pèp, folklò, se rasin solid avèk anpil enflyans.

Se nan fòs enflyans tradisyon an menm, sou plisyè syèk, Larisi pran merit tout ekselans l ap voye monte nan mizik klasik, opera, teyat ak Balè.

Balè vin yon synbòl mondyal devlopman ekselans.

Timoun entegre kadanse tradisyon peyi yo depi premye jou lekòl.

Kadanse tradisyon depi tout tan

Kadanse tradisyon se pratik ki fèt depi tout tan te gen tan.

Andepi de tout kwayans sou orijin danse, nou konprann epi renouvle li ak chak moman nan kotidyen nou, parèy ou pa parèy, nan tout kilti sou latè.

Symbioz kadanse tradisyon nou toujou genyen avèk kote li evolye mete tan an sou poz alenfini tandike nou plonje nan mèvèy byennèt lajwa ki nan fondas nanm nou

prezans total nou depase rèv nou alenfini | pleine présence au bout de nos rêves à l'infini | mindful presence beyond our wildest dreams to infinity

ONÈ ! Mwen se Tilarenn Solèy ! Nou nan pataj sou byennèt inivèsèl ak lafòm total entegral. Nou jwenn yo sou kadans pwisans konsyans mouvman nou nan swen tèt nou pou konkèt tèt nou. Nou kadanse revolisyon lanmou ak respè pou ekilib epi amoni alawonnbadè.

Nou se youn ak kadans latè, linivè epi lenfini.
Tout bagay kadanse paske lavi se kadans. Kadans se mouvman. Mouvman se lavi. Mouvman prezans total nou se sous ekilib ak amoni depase tan.

Fokis Enèji lavi mwen pou nou: kadanse Lanmou ak Respè alenfini.

Onè Legba; Onè Zansèt nou yo;

Nou louvri pòt. Nou ede nou mete tout baryè atè. Nou ede nou kreye kannal kominikasyon lib. Nou ede nou bay kominote nou otonomi pou nou toujou grandi ak pasyon epi kreyativite pou nou fè epi refè ekilib lavi a.

Nou ede nou soutni epi enspire kominote moun ki toujou kanpe djanm pou nou kadanse ekilib ak amoni alawonnbadè.

Nou ede nou pou nou toujou edike tèt nou pou nou vibre ak prezans total nou sou kadans konsyans mouvman nou. Nou ede nou soutni kominote nou nan respekte esans pwisans swen tèt nou pou konkèt tèt nou. Nou ede nou pou nou toujou konpayon ki merite konfyans tout moun nan lidèchip pou nou kenbe angajman nou djanm.

Nou ede nou libere tèt nou pou nou pa janm pè. Nou ede nou vwayaje kè kontan pi bon kote pou nou aprann jwenn toujou plis ekilib ak amoni nan tout bagay.

Nou ede nou louvri chemen pou pitit fi ak pitit gason nou yo byen nan kè, kò, tèt, lespri ak nanm. Konsa n ap jwi richès lavi a ak entegrite epi kite eritaj revolisyon lanmou, respè ak abondans pou tout jenerasyon.




° Kadanse prezans total nou - moman majik/ | ° Danse ta pleine présence - moments magiques/ | ° Dance your mindful total presence - magic moments/ | revolisyon kadansenou.com

Kòmantè! Commentaires! Comments!

 Pataje lide w.../   Partage tes pensées.../   Share your thoughts.../